Главоболката е многу честа состојба која се јавува повеќепати во животот на еден човек. Главен симптом е чувството на болка во главата или во лицето која може да е остра или тапа, постојана или периодична.
Иако има можеби и над 150 видови на главоболки нивната основна поделба е на примарни и секундарни.
Примарните главоболки се јавуваат сами по себе и не се последица на некое друго заболување.
Секундарните главоболки се појавуваат како резултат на постоење на некоја друга болест или здравствен проблем.
Најчеста причина за појава на секундарна главоболка се следниве состојби:
- Болест на крвните садови во мозокот
- Повреда на главата
- Висок крвен притисок
- Инфекција
- Преголема употреба на лекови
- Запушени синуси
- Траума
- Тумор
Истражувањата покажале дека главоболката е резултат на интеракција на сигнали во мозокот, крвните садови и околните нерви. За време на главоболката, непознат механизам ги активира специфичните нерви кои влијаат врз мускулите и крвните садови, и токму овие нерви на мозокот му испраќаат сигнали за болка.
Најчести тригери за појава на тензиски главоболки се:
- алкохол
- промени во патерната на јадењето и спиењето
- депресија
- силен емотивен стрес
- прекумерна употреба на лекови
- преоптеретување на очите, вратот или грбот поради недобро држење на телото
- осветлувањето
- вревата
- промените во времето
И токму еден од главните начини за третирање на главоболката е да се откријат тригерите кои водат до неа, и со нивно одбегнување да се намали бројот на главоболки.
За третман на главоболки понекогаш се употребуваат и лекови но не секоја главоболка бара ваков пристап. Главоболките во денешно време се третираат и со техники како што се стрес менаџмент и биофидбек.
Релаксирачките техники кои се користат во стрес менаџментот како што се длабокото дишење, мускулната релаксација, визуелизација итн помагаат во намалувањето на тензијата, и на тој начин можат да помогнат при главоболка.
Биофидбекот учи како да препознаеме кога во нашето тело се насобира тензија, како нашето тело реагира при стресни ситуации и како да се смириме.